सभासद् खड्का मन्त

नेकपा एमालेया संखुवासभाया सभासद् डम्बरबहादुर खड्का दुर्घटनाय्लाना म्हिगः मन्त । म्हिगः बा ३८ प ९१०९ नं.या मोटरसाइकलय् च्वनां ख्वपं येँय् वयाच्वंम्ह सभासद् खड्का कौशलटारय् थ्यंकाः बा १ ख ६४६५ नं.या येँय् पाखे हे वयाच्वंगु बसं ठक्कर नकुसेंलिं दुर्घटना जुया मदुगु खः ।

बसया ड्राइभरयात पुलिसं ज्वनायंकूगु दुसा स्थानीय मनूतय्सं बसय् कयेका तछ्यानाब्यूगु दु । सीम्ह सभासदया श्रद्धांजलि लागि थौं पार्टी कार्यालय बल्खुइ तइगु दुसा थौं हे दाहसंस्कार याइगु धाःगु दु ।