अनमिनया म्याद थप यायेमाः : भट्टराई

एकीकृत नेकपा (माओवादी)या न्वकू डा. बाबुराम भट्टराईं नेपाः स्थित राष्ट्रसंघीय मिसन अनमिनया म्याद थप यायेमाःगु बिचाः प्वंकादीगु दु ।

येँया भृकुटीमण्डपय् जुयाच्वंगु छगू प्रदर्शनीया अवलोकन लिपा पत्रकारत लिसें खँल्हाबंला यानादिसें न्वकू भट्टराईं अनमिन नेपाःया शान्ति प्रकृयाय् सुरु निसें हे दुगु धासें वया हे रोहबरय् शान्ति प्रकृया क्वचायेके माःगु धयादिल ।

वय्कलं वंगु ३दँ निसें दुगु संस्थायात हे मेगू ४/५ महिना तक नं तयेमाःगु धासें अनमिनया पलेसा मेगू निकाययात मब्यूसें अनमिनया हे म्याद थप यायेमाःगु धयादिल । वय्कलं अनमिनया म्याद थप यायेगु निंतिं राजनीतिक दलतनाप सहलह जुयाच्वंगु नं धयादिल ।