सत्ता साझेदार दलत अनिमिनया म्याद थप मयायेगु पक्षय्
वर्तमान काम चलाउ सरकारया सत्ता साझेदार दलतय्सं प्रधानमन्त्री माधवकुमार नेपालयात नेपाः स्थित राष्ट्रसंघीय मिसन अनमिनया म्याद थप मयायेत सुझाव ब्यूगु खः ।
प्रधानमन्त्री मावधकुमार नेपालं थौं अनमिनया म्याद थप यायेगु वा मयायेगु नापं संसदया नियमित अधिवेशन आव्हानया बारे सहलह यायेत सःतुगु सत्ता साझेदार दलतय् मुँज्याय् नेतातय्सं अज्याःगु सुझाव ब्यूगु खः । नेतातय्सं अनमिनया म्याद सहमतिलय् लिप्पांगु खुसी थप यायेधुंकूगु न्ह्यथंसें आः हानं अनमिनया म्याद थप याये मज्यूगु धाःगु खः ।
अथेहे सत्ता साझेदार दलतय्सं प्याकेजय् सहमति मजुइकं संसदया नियमित अधिवेशन आव्हान यायेमज्यू तर्क तःगु खः । नेतातय्सं लडाकु समायोजन, संविधान निर्माण व सत्ता समिकरण लगायताया विषयलय् सहमति जुइधुंकाः जक यायेमाःगु धासें दलतय् सहमतिलय् धाःसा अधिवेशन आव्हान यायेमफइगु बिचाः प्वंकूगु खः ।
अथेहे प्रधानमन्त्रीया याकः उम्मेदवार कांग्रेस संसदीय दलया नेता रामचन्द्र पौडेलया उम्मेदवारी तत्काल लितकाये मज्यूगु धासें छुंछुं नेतातय्सं पौडेलयात प्रधानमन्त्रीया निंतिं समर्थन यायेमाःगु बिचाः प्वंकूगु खः ।
