सत्ता समिकरणपाखें पीने च्वनेगु खनालया ख्याच्व
एमाले अध्यक्ष झलनाथ खनालं माओवादीं एकपक्षीय निर्णय यानाः न्ह्याः वंसाः सत्ता समीकरणं पीने च्वनेगु खँ धाःगु दु । सेनापति प्रकरण पाखे लक्ष्ति यासें वयेकलं धयादिल, - 'राष्ट्रिय मुद्दाय् माओवादी याकचाः न्ह्यावंसां झी सरकार त्वतेत तयार दु ।'
शुक्रवाः येँय पेशागत महासंघया प्यक्वःगु महाघिवशया उल्लेज्या यासें थःपिसं संविधान निमार्ण व शान्ति प्रकृयाया निंतिं सरकारय् ब्वति कायागु खँ कनादिल । माओवादीया यकति निर्णय माने याना: सरकारय् थपिं च्वनेत तयार मदुगु बिचा: खनालं प्वंकादिल ।
अध्यक्ष खनालं संविधानसभाय् कांग्रेसया प्रतिपक्षी भूमिकां सरकारयात हाथ्यापूर्ण अवस्थाय् थ्यंकूगु खँ धासें संक्रमकालीन अवस्थाय् राष्ट्रिय सहमति, सहकार्य व एकताया विकल्प मदु धयादिल । देशय् प्रतिक्रियावादी, प्रतिक्रान्तिकारी व यथास्थितीवादी शक्तितय् चलखेल अप्वयावंगु खँय् चिन्ता प्वंकादिसें थुकी पाखे सचेत जुइत सकसितं इनाप यानादिल ।
