प्रचण्ड-खनाल गोप्य वार्ता
येँ (सन्ध्या टाइम्स)/एकीकृत माओवादीया अध्यक्ष प्रचण्ड व एमालेया अध्यक्ष झलनाथ खनाल दथुइ थौं सुथय् गोप्य भेटवार्ता जूगु दु। प्रचण्ड निवास नयाँबजारय् जूगु उगु वार्ताया खँ गोप्य हे यानातःगु दु ।
वार्ताय् ब्वति कयादीम्ह एमाले अध्यक्ष खनालं संचारकर्मीतय्त वार्ताया बारे जानकारी बीत अस्वीकार यानादिल। वय्कलं छुं हे जानकारी मबिउगु नापं माओवादी अध्यक्ष प्रचण्डपाखें नं छुं हे जानकारी मवःगुलिं उगु वार्ता गोप्य नापं अर्थपूर्ण जूगु खयेमाः धकाः अनुमान यानाहःगु दु। थौं सुथसिया उगु वार्ताय् व्यवस्थापिका संसदया विशेष अधिवेशन, सत्ता समीकरण, अनमिनया म्याद थपया विषयसं सहलह जूगु खयेमाः धकाः अनुमान याःगु दु ।
