'अन्तिम चरणया पाः कायेत तयार'
येँ (सन्ध्या टाइम्स)/कामचलाउ सरकारया प्रवक्ता नापं संचारमन्त्री व एमाले नेता शंकर पोखरेलं सरकार संचालनया नितिं आलोपालो प्रणालीयात स्वीकार यात धाःसा एमाले अन्तिम चरणया पाः कायेत तयार दु धयादीगु दु। थौं नेपालगन्जय् स्थानीय पत्रकारतलिसे सहलह ब्याकुसें वय्कलं अथे धयादीगु खः ।
मन्त्री पोखरेलं सहमतिया नितिं एमाले अधिकतम त्याग यायेत तकं तयार दु धासें सहमतिया नितिं हे एमालेया नेतृत्वय् दुगु बहुमतया सरकारपाखें राजीनामा बीगु ज्या जूगु खः धयादिल ।
उच्चस्तरीय राजनीतिक कार्यदलयात निष्त्रिय यायेगु व संविधान दयेके मबीगु कथं हे जनविद्रोहया तयारी यायेगु धकाः माओवादी न्ह्याःवंगु खः धयादिसें वय्कलं जनविद्रोह नेपाःमि जनताया चाहना मखु माओवादीया रहर जक खः धकाः नं धयादिल ।
