स्पष्टिकरण कयाः सरकारं गल्ति यात : नेपाल

प्रधानसेनापति रुक्मांग कटवालयात सरकारं स्पष्टिकरण कयाः गल्ति याःगु खँ नेकपा एमालेया वरिष्ठ नेता माधवकुमार नेपालं धयादीगु दु ।

मजदुर दिवया लसताय् एमालेया भातृसंगठन अखिल नेपाल ट्रेड युनियन महासघं (जीफन्टं) येँय् याःगु छगू ज्याझ्वलय् न्ववासें नेता नेपालं स्पष्टिकरण कायेगु ज्या अनआवश्यक जूगु तर्क तयादिल । वयेकलं सेना सरकारया अधिनय् च्वनेमाःगु तर सरकारं नं सेनायात विधि संवत रुपं संचालन यायेमाः धयादिल ।

संवैधानिक समितिया अध्यक्ष नं जुयादिम्ह नेता नेपालं माओवादी कायकर्तातय्सं प्रधानसेनापितं राजीनामा बीमाःगु थंज्याःगु माग तसें विरोध याना परिस्थिति स्यंकेगू कुतः यानाच्वंगु द्वपं बियादिल । वयेकलं माओवादीं सत्ताया नेतृत्व यानाच्वंसां उमिसं विद्रोहीया थंज्या:गु स्वभाव क्यनाच्वंगुलिं चिन्ता प्वंकादिल ।