सुनसरीइ खुखा छेँ च्यात

येँ (सन्ध्या टाइम्स)/सुनसरीया घम्की धइगु लागाय् वंगु चान्हय् प्यंगू परिवारया खुखा छेँ च्यानाः लखौ तका बराबरया धनमाल नष्ट जूगु दु। अनया प्रवेश आन्सारीया छेँय् आकाझाकां मिं नःगु खःसा उगु मि च्याना वनाः जःखः च्वंगु खुखा छेँ च्यागू खः। थुकथं मेमेगु छेँ नं च्यानाः थ्यंमथ्यं झिगू लाख तका बराबरया धनमाल नष्ट जूगु दु। अथे च्याःगु मि इटहरी नगरपालिकया दमकल, स्थानीयवासी, सशस्त्र प्रहरी व नेपाल प्रहरी जानाः चानय् २ घण्टा लिपा स्याःगु खः ।