भारतपाखें क्षेप्यास्त्र प्रक्षेपण

येँ (सन्ध्या टाइम्स)/भारतं परमाणु ल्वाभः तयाः यंकेफुगु क्षमता दुगु चीहाकःगु दूरीया छगः क्षेप्यास्त्र थौं सुथय् सफल परीक्षण याःगु दु। 'पृथ्वी: २' नांया उगु क्षेप्यास्त्र भारतया पूर्वी राज्य उडिसाया चण्डिपुरं बंगालया खाडीय् थौं सुथय् ८ बजे प्रक्षेपण याःगु खः। थीथी एजेन्सीं बिउगु जानकारी कथं ९ मिटर ताःहाकःगु जमिनं जमिनय् प्रहार याइगु उगु क्षेप्यास्त्रं ३५० किलोमिटर तापाःथाय् तक निशाना दयेके फुगु खँ उकिया विज्ञतय्सं धाःगु दु ।