कांग्रेस-एमालें माओवादी प्रस्ताव विफल याइगु
नेपाली कांग्रेस व नेकपा (एमालें) कन्हय् च्वनीगु संसदया विशेष अधिवेशनय् माओवादीं पेश याइगु प्रस्तावया विपक्षय् मतदान यायेगु निर्णय याःगु दु ।
एमाले संसदीय दलया ज्याकू सिंहदरवारय् थौं च्वंगु निगू दलया मुँज्यां माओवादीयात विशेष अधिवेशन सम्बन्धी प्रस्ताव लितकायेत इनाप यायेगु व प्रस्ताव लितमकासाः प्रस्तावया विपक्षय् मतदान यायेगु निर्णय जूगु जानकारी कांग्रेस नेता अर्जुननरिसंह केसीं बियादिल ।
अथेहे निगू दलत दथुइ अनमिनया विकल्प व रामचन्द्र पौडेलया उम्मेद्वारीया विषयलय् नं सहलह जूगु खः । निगूलिं दलं अनमिनया साधन श्रोतयात अनमिन लिहांवनेधुंकाः सरकारं छ्यलेफइगु सम्भावना अप्वःगु धासें अनमिनया साधन व स्रोत नेपाः सरकारया निगरानीलय् विशेष समितिं छ्यलीगु सहमति नं जूगु दु ।
थ्वहे दथुइ थौं च्वनीगु धाःगु स्वंगू दलया मुँज्या माओवादी नेतातय् व्यस्तताया हुनिं लिछ्याःगु दु ।
