खरिपाटीइ बस दुर्घटना जुया २०म्ह घाःपाः

ख्वपया खरिपाटीइ थौं सुथय् बस दुर्घटना जुयाः २०म्ह घाःपाः जूगु दु । खरिपाटीं येँय् वयेत्यंगु बा. २. ख. १५८३ नम्बरया यात्रुबहाक बस खरिपाटी स्थित नेपाल विद्युत प्राधिकरण तालिम केन्द्र न्ह्यने सतकं कुतुवनाः दुर्घटना जूगु खः ।

दुर्घटनाय् लानाः घम्भीर घाःपाः जूपिं ७म्हेसित येँय् व यलया थीथी अस्पतालय् यंकूगु दुसाः सामान्य घाःपाः जूपिं १३म्हेसित ख्वपया हे स्थानीय अस्पतालय् वासः याकातःगु दु । यात्रुबहाक बस सतक स्वयां १० मिटर क्वये कुतुवनाः दुर्घटना जूगु खः ।