'प्रधानमन्त्रीया निंतिं राष्ट्रिय सहमति आवश्यक मदु'

नेकपा (एमाले)या न्वकू वामदेव गौंतमं न्हूम्ह प्रधानमन्त्री ल्ययेगु निंतिं राष्ट्रिय सहमति आवश्यक मदुगु खँ धयादीगु दु ।

भरतपुरय् थौं पत्रकारतनाप खँल्हाबंला यासें न्वकू गौतमं न्हूम्ह प्रधानमन्त्री याकनं हे ल्यये माःगु धासें ३०१ सभासदतय् समर्थत जुसां प्रधानमन्त्री ल्ययेमफइगु धयादिल । वय्कलं बहुमतीय प्रणाली पाखें नं प्रधानमन्त्री ल्ययेमफइगु बिचाः प्वंकादीगु खः ।

न्वकू गौतमं ३०१ सभासदतय् समर्थन वःगु खण्डय् एमाले नायः झलनाथ खनालयात प्रधानमन्त्रीया उम्मेदवार दयेकीगु धयादिल । एमाले पार्टी दुने नायः झलनाथ खनालयात प्रधानमन्त्रीया उम्मेदवार दयेकेगु विषयलय् छुं नं कथंया विवाद मदुगु दावी नं वय्कलं यानादिल ।