अनमिनया म्याद थप यायेत कांग्रेस पाखें सर्त

एकीकृत नेकपा (माओवादीं) संविधान निर्माण व शान्ति प्रकृया मक्वचायेकं नेपाः स्थित राष्ट्रसंघीय मिसन अनमिनयात लितछ्वये मज्यूगु निर्णय याःगु कन्हय् कुन्हु नेपाली कांग्रेस अनमिनया म्याद वयाः म्यान्डेट म्हो यायेमाःगु सर्त तःगु दु ।

माओवादी व कांग्रेसया शीर्ष नेतात दथुइ मंगलवाः जूगु खँल्हाबंलाय् कांग्रेसं अनमिनयात नेपाली सेनाया अनुगमन मयायेगु कथं म्याद थप यायेमाःगु धाःगु खः । खँल्हाबंला लिपा कांग्रेस नेता डा. रामशरण महतं नेपाली सेनायात अनमिनया निगरानी पाखें चीकाः राष्ट्रिय सेना कथं ज्या याये ब्यूसाः अनमिनया म्याद थप यायेफइगु धयादिल ।

खँल्हाबंलाय् न्हूगु सरकार गठन व राजनीतिक गतिरोधया बारे सहलह जुसां छुं सहमति धाःसा जुइमफुत ।