फोरम लोकतान्त्रिक तज्यात
येँ (सन्ध्या टाइम्स)/उपप्रधानमन्त्री विजय गच्छेदारया नेतृत्वय् न्ह्यानाच्वंगु मधेसी जनअधिकार फोरम लोकतान्त्रिक विभाजन जूगु दु ।
भौतिक योजना तथा निर्माण राज्यमन्त्री तकं जुयादीम्ह केन्द्रीय दुजः सन्जय शाहया नेतृत्वय् मधेस क्रान्ति फोरम नांगु मेगु पार्टी गठन यायेवं लोकतान्त्रिक फोरम आधिकारिक रुपं तज्याःगु खः। न्हू गठन याःगु पार्टीइ लोकतान्त्रिकया केन्द्रीय दुजः नापं मन्त्री करिमा बेगम, मेपिं केन्द्रीय दुजःत रामलाल सुतिहार, रामेश्वर शाह, नीलम बर्मा, कौशलकुमार यादव, रमानन्द मण्डल, रामबचन अहिर, ललिता शाह, सेवकी देवी दास, वकील मुसलमान, शिव नारायण उरावल दुथ्याः। न्हूगु पार्टीया घोषणा सभा निवाःया दुने हे यायेगु तयारी जुयाच्वंगु खँ धाःगु दु ।
