अमेरिकाया चिउताः

येँ (सन्ध्या टाइम्स)/नेपाःया निंतिं अमेरिकी राजदूत स्कट एच. डिलेसीं थौं सुथय् कांग्रेस सभापति सुशील कोइरालायात नापलासें नेपाःया कामचलाउ सरकार ताः ई तक ल्यनाच्वंगु, दलतय् दथुइ झन झन अविश्वासया लकस ब्वलना वंगु व संविधान दयेकेगु ज्या लिबाना वंगु खँय् चिउताः प्वंकादीगु दु।
उगु इलय् राजदुत डिलेसीं न्हूगु सरकार गठन, दलतय् दथुइ जुयाच्वंगु सहमतिया कुतः व अनमिनया म्याद थपया विषयस नं जिज्ञासा तयादीगु खः ।