सभासद् दिलीप महर्जनया अबु मंत

किपू (सन्ध्या टाइम्स)/ एकीकृत माओवादीया सभासद् दिलीप महर्जनया अबु दिलसिंह महर्जन थौं मंत। किपू नगर दुने लाःगु पांगाया ७७ दँ दुम्ह दिलसिंह पुलांम्ह वडाअध्यक्ष नापं समाजसेवी नं खः। मदुम्ह महर्जनया सभासद् दिलीप महर्जन नापं यानाः स्वम्ह काय्पिं व छम्ह म्ह्याय् दी। थौं सुथय् मदुम्ह महर्जनया सिथं यंकेगु ज्या क्वचाये धुंकूगु दु। मदुम्ह महर्जन सिँकःमि व्यवसायय् संलग्न जुयाच्वंम्ह खः ।