भुजा मिल न्ह्यःने बम विस्फोट

येँ (सन्ध्या टाइम्स)/थौं सुथय् वीरगन्जया रानीघाटय् च्वंगु भुजा मिल न्ह्यःने प्रेसर कुकर बम विस्फोट जूगु दु। वीरगन्ज उपमहानगरपालिका वडा नं. १४ या बिगा गुप्ताया भुजा मिल न्ह्यःने म्हमसिउपिं मनूतय्सं तयावंगु प्रेसर कुकर बम सुथय् ६ बजेपाखे विस्फोट जूगु खः। विस्फोटनं मानवीय क्षति मजूसां मिलया सटर व पःखालय् धाःसा सामान्य क्षति जूगु दु। उगु बम विस्फोट सुनां व छुकिया नितिं याःगु धकाः प्रहरीं अनुसन्धान यानाच्वंगु दु ।