राष्ट्रिय ज्यापु दिवसया म्ये (अडियो ब्लग)

थौं राष्ट्रिय ज्यापु दिवसया लसता लाकाः नेपालमण्डल डट कमपाखें ज्यापु दिवसया म्ये दक्कले न्हापां सार्वजनिक यानाच्वना ।

थुगु म्ये राजभाइ जकःमिं च्वयादीगु खः । लय् नं राजभाई जकःमिं हे तयादीगु खःसा थुकी बाजं ग्वसाः हरिशरण साय्मिं यानादीगु खः । अले थुगु म्येँ सतिश महर्जन, मथुरा महर्जन, रिता महर्जन व दीपा महर्जनं हालादीगु खः ।

ज्यापु दिवसया – भिंतुना म्येँ

आदिवासी ज्यापु दिवसया भिंतुना स्वां छाः वया
झी नुगःया सः पिज्वय्काः देसया म्येँ हाः वया ।

देस झः झः धाय्क न्यंक ह्वय्क्य झललल ज्यापु-स्वां
ज्यान हे बलिदान बी तर ख्वय्क्य मखु नेपाल-मां
झी उपेक्षित आदिवासी छम्ह जुयाः थौं न्ह्याः वया
झी नुगःया सः पिज्वय्काः देसया म्येँ हाः वया ॥

आजुपिं नुगलं लुमंकाः ईलिसें झी न्ह्याः वने
शान्तिया जः न्यंक खय्काः न्हूगु नेपाः नीस्वने
झीगु नेवाः ध्वाँय् ज्वनाः थौं मुक्तिया लँपु ज्याः वया
झी नुगःया सः पिज्वय्काः देसया म्येँ हाः वया ॥

म्ये न्यनेत क्वय्या प्लेयर प्ले यानादिसँ ।

More Stories Like this