रियल जुसया फ्याक्ट्रीइ सिलबन्दी
गुणस्तरहीन जुस उत्पादन याःगु धासें अख्तियार दुरुपयोग अनुसन्धान आयोगं बाराया रामपुरस्थित डाबर नेपालया रियल जुसया फ्याक्ट्रीइ छापा मारे यानाः सीलबन्दी याःगु दु ।
डाबरं गुणस्तरहीन जुस उत्पादन याःगु व राजश्व छली याःगु धासें उजुरी लायेवं अयोगकया सह न्यायधिवक्ता समिर सिलवाल व महेन्द्र बानियाया नेतृत्वय् पुचलं अन छापा मारे याःगु खः । उगु पुचलं वइगु जनवरीलय् उत्पादन जुइगु लेबल तिकाच्वंगु लुइकेवं उगु क्षेत्रयात नियन्त्रणय् कयाः निगू करोड बराबरया ७४,००० कार्टुन जुसय् सिलबन्दी याःगु खः ।
लुमंकेबहजू, थ्वसिबें न्ह्यः नं डाबरं गुणस्तरहीन रियल जुस उत्पाडन याःगु दसी कथं येँय् लगायत थीथी जिल्लाय् जुस दुने कि लगायत थीथी हानीकारक वस्तुत लूगु खः । थीथी संचार माध्यमं रियल जुस प्रकरणया बारे बुखँ पिथनेवं नेपाः स्थित भारतीय राजदुतावासं उकीया खण्डन यासें नेपाःया संचार माध्यमया कुंखिंगु खः ।
