एमाले नेतृत्व स्वीकार्य : माओवादी / पौडेलया विकल्प बीत तयार : कांग्रेस

नेकपा (एमालें) बहुमतीय प्रणालीलय् वनेगु निर्णय याःगु छुं दिं लिपा हे एनेकपा (माओवादीं) एमालेया नेतृत्वय् न्हूगु सरकार स्वीकार्य जूगु खँ धाःगु दु ।

रिपोटर्स क्लबं सोमवाः येँय् याःगु छगू साक्षात्कार ज्याझ्वलय् माओवादी स्थायी समिति दुजः देव गुरुङं एमालेयात सरकारया नेतृत्वया निंतिं समर्थन यायेगु माओवादीं न्हापा हे याःगु निर्णय कायम हे दनीगु धयादिल ।

वय्कलं तःधंगु पार्टीया हैसियतं सरकारया नेतृत्वय् थःगु हे पार्टीया दाबी दइगु जुसां एमाले नायः झलनाथ खनालयात स्वीकार यायेत माओवादी तयार दुगु धयादिल ।

उगु हे ज्याझ्वलय् नेपाली कांग्रेसया केन्द्रीय दुजः अर्जुननरसिंह केसीं रामचन्द्र पौडेलया उम्मेदवारी अझ कायम जूगु धासें यदि न्हूगु प्रक्रिया सुरु जूसाः पौडेलया विकल्प बीत कांग्रेस तयार दुगु धयादिल ।