राजनीतिक अस्थिरता बारे दातृ निकायया च्यूता
नेपाःया प्रमुख दातृ निकाय देय् फिनल्याण्डं नेपाःया शान्ति प्रकृया व राजनीतिक अस्थिरता बारे च्यूता प्वंकूगु दु ।
एकीकृत नेकपा (माओवादी)या नायः पुष्पकमल दाहाल 'प्रचण्ड'नापया खँल्हाबंलाय् नेपाः स्थित फिनल्याण्डया राजदुत पिर्का लिसा क्यासिटलां ताः ई तक कामचलाउ ससरकार जूगुलिं दातृ राष्ट्रं ब्यूगु ग्वाहालि दुरुपयोग जुइफुगु धासें च्यूता प्वंकादिल ।
प्रचण्डया न्हू बजार स्थित छेँय् थौं जूगु खँल्हाबंलाय् राजदुत क्योस्टिलां दातृ राष्ट्रतय्सं ब्यूगु ग्वाहालियात सदुपयोग यायेत याकनं स्थिर सरकर व शान्ति प्रकृया क्वचायेकाः लगानी यायेगु वातावरण दयेकेत इनाप यानादिल ।
वय्कलं नेपालय् थंज्याःगु हे राजनीतिक अस्थिरता जुइगु खःसा दातृ राष्ट्रया ग्वाहालि व नेपालय् दुगु श्रोत साधनपाखें फाइदा कायेमफइगु धयादिल । वय्कलं दातृ राष्ट्रया ग्वाहालि पाखें फाइदा कायेत नेपालय् राजनीतिक स्थिरता व स्थायी सरकार आवश्यक जूगु नं धयादिल ।
