जुट मिल मिं नयाः लखौं क्षति
येँ (सन्ध्या टाइम्स)/सुनसरीया सोनापुरय् च्वंगु गोल्छा अर्गनाईजेशनपाखें संचालित अरिहन्त मल्टिफाइबर जूट मिल मिं नयाः लखौं तकाया धनमाल क्षति जूगु दु। मिं नयाः थ्यंमथ्यं ४५ लाख तका बराबरया सामान क्षति जूगु खँ प्रबन्धक गोविन्द बजगाईनं धयादीगु दु। म्हिगः बहनीनिसें च्याःगु जुट मिलया मि थौं सुथय् तिनि नियन्त्रणय् कायेत सफल जूगु खः ।
उगु मि नियन्त्रणय् कायेत विराटनगर, धरान, भरतपुर व राजविराजया दमकल प्रयोग याःगु खः ।
