वाइसिएलया ब्यारेकी संरचना भंग
येँ (सन्ध्या टाइम्स)/एकीकृत माओवादीया थौं सुथय् च्वंगु स्थायी समितिया बैठकं थःगु सहयोगी संगठन वाइसिएलया ब्यारेकी संरचना भंग यायेगु निर्णय याःगु दु ।
माओवादी अध्यक्ष प्रचण्डया निवास नयाँबजारय् च्वंगु उगु मुँज्यां निर्णय याःगु खः। न्हूगु संविधान दयेकेगु निंतिं विवाद जुयाच्वंगु विषय ज्यंकेत प्रचण्डया नेतृत्वय् दयेकूगु उच्चस्तरीय राजनीतिक संयन्त्रया म्याद थप मयायेगु धकाः नं माओवादीया उगु बैठकं क्वःछिउगु दु ।
बैठकय् शान्ति प्रक्रिया पूमवंतले हे अनमिन आवश्यकता जुइगु जूगुलिं उकिया नितिं मेमेगु दलया नेतातलिसे सहलह ब्याकेगु धकाः नं निर्णय जूगु दु ।
