दिगुछेँ जीर्णोद्धार यायेत समिति

येँ (सन्ध्या टाइम्स)/श्री आर्यावलोकितेश्वर (जनबहाःद्यः)या दिगुछेँ ल्ह्वनेगु निंतिं भाजु निलकाजी शाक्यया संयोजकत्वय् श्री आर्यावलोकितेश्वर सुधार समितिपाखें निर्माण उपसमिति नीस्वंगु दु। नकतिनि जूगु छगू सहलह मुँज्यापाखें उगु उपसमिति स्वंगु खः। उकिया सदस्य सचिवय् पूर्णरत्न वज्राचाय च्वनादीगु दु। नीनिम्ह दुजः दुगु उप समिति अन्तर्गत थीथी कवःत नं स्वंगु दु।
देवानन्द शाक्यया सभापतित्वय् न्ह्याःगु उगु ज्याझ्वलय् भवन दयेकेगु खँय् विशेष सहलह जूगु खः। उगु भवन निर्माण यायेत १ करोड ७२ लाख तका दां खर्च जुइगु प्रारम्भिक अनुभान दु। भवन दयेकेत नक्सा इन्जिनीयरपिं माणिकरत्न तुलाधर व नरेन्द्र मूलं च्वयादीगु दु।
उगु भवन वि.सं. १९७२ सालय् बांमलाक मिं नयाः जीर्ण जूगु खःसा तत्कालिन राणा सरकारं आःया स्वरुपय् दयेकूगु खः ।