नेवाः राज्य खेलकुद समितिया आपत्ति
येँ (सन्ध्या टाइम्स)/ एनेकपा (माओवादी) ३० वडा कमिटीया विशेष मुँज्यां वंगु मंसिर २६ गते शनिवाः प्रकाश श्रेष्ठयात आर्थिक अनुशासनहीनया द्वपं बियाः साधारण सदस्यतां तकं निष्काशन याःगु धकाः निर्वाचन क्षेत्र नं. ६ पार्टी क्षेत्र नं. ११या सेक्रेटरी रविन्द्र श्रेष्ठ व पार्टी क्षेत्र नं. ११ या इलाका १ या सेक्रेटरी राजेन्द्र श्रेष्ठं छानवीन तकं मयासे आधारहीन व भ्रामक समाचार पित बिउगु खँय् नेवाः राज्य खेलकुद समिति केन्द्र व क्षेत्र नं. ६ क्षेत्रीय समितिं भर्त्सना याःगु दु ।
नेवाः राज्य खेलकुद समिति केन्द्रीय व क्षेत्रीय समितिं छगू मंकाः विज्ञप्ति पिथँसे स्थानीय जनतां स्थानीय क्लबयात कारवाही याःगु विषयय् नेवाः राज्य खेलकुद समितिया नां दुथ्याकूगु खँय् नं आपत्ति प्वंकूगु दु ।
