निम्ह नेपाःमि द्यनाच्वँच्वं हे सित
वैदेशिक रोजगारीया निंतिं बहराइन वंपिं निम्ह नेपाःमि ह्दयाघात जुयाः सीगु दु । च्याला न्ह्यः बहराइनया अकरस्थित सबाब अल हेक्मा कन्स्ट्रन्टिङ्ग कम्पनीइ ज्या याःवंम्ह धनकुटाया होमबहादुर पीठाकोटे मगर वंगु अपि्रल २७ कुन्हु द्यनाच्वंगु इलय् हे ह्दयाघात जुयाः सीगु खः । मदुम्ह मगरया कलाः छम्ह काय व छम्ह म्ह्याय् दु ।
अथे हे लछि न्ह्यः जक बहराइनया वहे कम्पनीइ ज्या याः वंम्ह नवलपरासीया कमनिसंह सिंजाली मगर नं द्यनाच्वंगु अवस्थाय् ह्दयाघात जुयाः सीगु दु । मगरया दछि दुम्ह काय व कलाः दु ।
अन ज्या यानाच्वंपिं नेपाःमितय्सं बिउगु जानकारी कथं थ्व स्वयां नीन्हु न्ह्यः नं अन निन्हुया दुने निम्ह नेपाःमि सीगु खः ।
वैदेशिक रोजगारीया निंतिं खाडी मुलुक व मलेसिया वनीपिं अप्वः धइथें नेपाःमित द्यनाच्वँच्वं हे सीगु घटना जुयाच्वंगु दु ।
