एतिहासिक सम्पदाय् वीरेन्द्रप्रतापया किपा
ख्वपन्यंकंया थीथी कला संस्कृति व सम्पदा छक्वलं पिब्वइ कथं सिद्धार्थ आर्ट ग्यालेरी बबरमहलय् निवाःयंकं ख्वपया सांस्कृतिक सम्पदाया चित्रकला ब्वज्या न्ह्यात । कलाकार वीरेन्द्रप्रताप सिंहं तयार यानादीगु ख्वपया टौमढीया न्यातपोल न्यय्न्यापाः झ्याः लुँहिति नापं थीथी थासय् च्वंगु कलायात थःगु हे कथंया सिर्जनाय् छ्यलाः वय्कलं थ्व चित्रत तयार यानादीगु खः ।
उगु कला ब्वज्याया उलेज्या प्रान्सया महामहिम राजदूत गिल्स हेनरी गराउल्टं यानादीगु खः । उगु हे ब्वज्याय् बुंग व बनारसया थीथी कथं निर्माण जुयाच्वंगु ध्वाखायात नं न्हूगु शैलीं प्रदर्शन यानातःगु दु । उगु ब्वज्या सुथय् ११ बजेनिसें ६ बजे तक चालीगु खँ धाःगु दु ।
