संसदया विशेष अधिवेशन सुरु

व्यवस्थापिका संसदया विशेष अधिवेशन थनिंनिसें सुरु जूगु दु । एनेकपा (माओवादी) लगायत खुगू दलतय् समावेदनय् राष्ट्रपतिं थुगु विशेष अधिवेशनया आव्हान यानादीगु खः ।

थौंया मुँज्याय् राष्ट्रपतिया ज्याकूथीं वःगु पौयात सभामुख सुभाषचन्द्र नेम्वाङं ब्वनाः जक न्यंकूगु खः । माओवादीं संसदय् सहलह यायेगु निंतिं निगू प्रस्ताव दर्ता यानातःगु दु । उगु प्रस्तावय् सहलह जुइगु न्हि न्ह्यः हे दलतय्सं सहमति यायेगु धासें थौंया मुँज्यायात औपचारिकताय् जक समिति याःगु खः ।

माओवादी प्रस्तावय् पुष ८ व ९ गते सहलह जुइगु ज्याझ्वः दु । माओवादीं संसद नियमावली संशोधन यायेमाःगु व प्रधानमन्त्रीया निर्वाचन न्हूगु ढंगं सुरु यायेमाःगु प्रस्ताव दर्ता यानातःगु दु ।