'राष्ट्रवादया नांमय् लोकतन्त्रय् आक्रमण'

उपप्रधानमन्त्री सुजाता कोइरालां राष्ट्रवादया नांमय् देशय् राष्ट्रियता व लोकतन्त्रय् आक्रमण जुयाच्वंगु खँ धयादीगु दु ।

परराष्ट्रमन्त्री नं जुयादीम्ह कोइरालां थौं पत्रकारतनाप खँल्हाबंला यानादिसें देशय् राष्ट्रवादया नारा बियाः राष्ट्रियता व लोकतन्त्रय् आक्रमण जुयाच्वंगु लिप्पांगु दसु पुलांम्ह युवराज पारस शाहया जूगु धयादिल । वय्कलं राष्ट्रियताया नारा बियाः पारसं थःयात व थः जिलाजंयात द्वपं बियाः देय्या लोकतन्त्रय् हे प्रहार याःगु धयादिल ।

मन्त्री कोइरालां जर्मनीलय् नं राष्ट्रवादया नारा बियाः हिटलरं तःधंगु नरसंहार याःगु धासें राष्ट्रवादया नारा थ्वयेकीपिं हे लोकतन्त्रया निंतिं दलतय् खतरनाक जुइगु टिप्पणी यानादिल ।