१०क्वःगु सार्क व्यापार मेला क्वचाल

येँया भृकुटीमण्डपय् जुयाच्वंगु १०क्वःगु सार्क व्यापार मेला थौं क्वचाःगु दु । वंगु मंसिर २९ गते निसें 'व्यापारया माध्यमं क्षेत्रीय प्रगति' धइगु नारा सहित सुरु जूगु मेला थौं क्वचाःगु खः ।

क्षेत्रीय व्यापार विस्तार लगानी अप्वयेकेगु व पर्यटन प्रर्वद्धनया यायेगु ताः तयाः ग्वसाःग्वःगु मेलाय् थीथी देय्या व्यवसाय सम्बन्धी २९६ व नसाःया नापं पर्यटन प्रर्वद्धनाया ८-८ स्टल यानाः मुक्कं ३१२ स्टलत तःगु खः । मेलाय् बंगलादेशी कम्पनीया ६०, भारतया ४१, श्रीलंकाया ५, भुटानया २०, पाकिस्तानया २८ व नेपाःया १४२ स्टलत दु । माल्दिभस व अफगानीस्थानं धाःसा व्यवसायीक स्टल मतसें पर्यटन प्रर्वद्धनमुलक स्टल जक तःग खः ।

मेलाया लिप्पांगु न्हि थौं दकलय् अप्व मनूतय्सं मेला स्वः वःगु खँ ग्वसाः खलकं धाःगु दु ।