थरुहट बन्दं जनजीवन प्रभावित

थरुहट स्वायत्त राज्य परिषदं आव्हान याःगु थरुहट बन्दया कारणं थौं तराईया थीथी २२ जिल्लाया जनजीवन प्रभावित जूगु दु ।

सरकार व थरुहट दथुइ जूगु ६गू बुँदे सहमति कार्यन्वयन यायेमाःगु, न्हूगु संविधानय् थरुहट राज्यया व्यवस्था यायेमाःगु, थारुतय्त मधेशी धलखं चीकेमाःगु, नेपाली नागरिकताया आधारय् जक मतदाता नामावली संकलन यायेमाःगु लगायतया माग तयाः परिषदं थौं बन्दया आव्हान याःगु खः ।

बन्दया कारणं दाङ, बर्दिया, कैलाली, काजनपुर लगायत थीथी जिल्लाया पसः, ज्याकू, शैक्षिक संस्था, कलकारखाना आदि बन्द जूगु दु । अथेहे चिहाकःगु व ताःहाकःगु दुरुया सवारी साधान नं पूर्ण रुपं ठप्प जूगु दु ।