विषेश अधिवेशनय् सत्ता साझेदार झिगू दल मंकाः रुपं प्रस्तुत जुइगु
माओवादीं विशेष अधिवेशनय् सहलह यायेगु निंतिं निगू प्रस्ताव दर्ता
आइतवाः निसें सुरु जुइत्यंगु विशेष अधिवेशनय् सत्ता साझेदार झिगू दल मंकाः रुपं प्रस्तुत जुइगु निर्णय याःगु दु ।
शत्रुवाः सत्ता नेतृत्व यानाच्वंगु नेकपा (एमाले)या ज्याकू मदन नगर बल्खुइ च्वंगु सत्ता साझेदार दलत दथुइया मुँज्यां आःया हे गठबन्धनयात कायम यायेमाःगु धासें नेतातय्सं विशेष अधिवेशनय् माओवादीं पेश याइगु एजेण्डाय् मंकाः रुपं प्रस्तुत जुइगु निर्णय याःगु खः ।
थ्वस्वां न्ह्यः थौं हे एनेकपा (माओवादी) संसदीय दलया सचेतक पोष्टबहादुर बोगटीया नेतृत्वय् वंगु माओवादी नेतातय् छगू पुचलं संसद सचिवालयय् विशेष अधिवेशनय् सहलह यायेगु निंतिं निगू प्रस्ताव दर्ता याःगु । माओवादीं संसदीय नियमावली संशोधन यायेमाःगु व संसद नियमावली ७ बमोजिम प्रधानमन्त्री ल्ययेगु प्रकृया न्हूगु तरिकां सुरु यायेमाःगु प्रस्ताव दर्ता याकूगु खः ।
माओवादी सहित खुगू दलं विशेष अधिवेशन आव्हान यायेत राष्ट्रपति समक्ष समावेदन दर्ता यायेवं राष्ट्रपति डा. रामवरण यादवं पुस ४ गते विशेष अधिवेशन आव्हान यानादीगु खः ।
