'संसदय् उपस्थित जूपिं तटस्थ च्वनेमदु'

सर्वोच्च अदालतं व्यवस्थापिका संसदय् उपस्थित जुइपिं सभासद्त प्रधानमन्त्रीया निर्वाचनय् तटस्थ च्वनेमदुगु फैसला न्यंकूगु दु । सर्वोच्च अदालतया न्यायाधीशत बलराम केसी, सुशीला कार्की व भरतराज उप्रेतिया विशेष इजलासं शुक्रवाः संसदय् उपस्थित जुयाः नं तटस्थ च्वनेगु वा मत बीमखु धायेमदुगु फैसला न्यंकूगु दु ।

एमाले, मधेशवादी लगायत दलत संसदय् उपस्थित जुयाः नं तटस्थ च्वना १६क्वः तक जूगु निर्वाचनं नं प्रधानमन्त्री ल्ययेमफेवं दयार जूगु छगू रिटय् सर्वोच्चं उगु फैसला याःगु खः । उखे प्रधानमन्त्रीया याकः उम्मेदवार कांग्रेसया रामचन्द्र पौडेलयात निर्विरोध यायेत माग यासें दयार जूगु रिटयात धाःसा सर्वोच्चं उगु खँ व्यवस्थापिका संसद दुनेया क्षेत्राधिकारया विषय जूगुलिं अदालतं निर्देशन बीमिले मजूगु फैसाल न्यंकूगु दु ।