पत्थर म्हसीकेगु तालिम

रत्न व पत्थर म्हसीकेगु लागिं स्वनिगः आर्ट एण्ड क्राफ्टपाखें थ्वहे वइगु बैशाख २० गते निसें तालिम न्ह्याकेत्यंगु दु । लुँ व पत्थरया व्यवसायीतय्त उगु तालिम बीगु ज्याझ्वः दयेकातःगु दु । विदेशय् आखः ब्वं वनाच्वंपिं व पत्थरया खानीवाला नापं ज्योतिष व संकलनकर्तातय्त नं ग्वाहालि जुइकथं उगु तालिम बीत्यनागु खँ रत्न पत्थर विशेषज्ञ उदयमान ताम्रकारं कनादीगु दु । अथे हे याकनं हे तिसा डिजायन व मेमेगु तालिम नं शुरु यायेत्यनागु खँ नं वय्कलं कनादिल । थ्व तालिम सम्बन्धित विषयया विशेषज्ञतपाखें हे बीकीगु खः ।