रुबेलया बारे पिहांवःगु बुखँ गलत : सुजाता

उपप्रधान नापं परराष्ट्र मन्त्री सुजाता कोइरालां थीथी संचार माध्यमं थः जिलाजं रुबेल चौधरीया बारे च्वःगु बुखँ गलत जूगु धासें आपत्ति प्वंकादीगु दु ।

झिन्हुन्यंकया इन्डोनेशिया भ्रमण क्वचायेकाः थौं येँय् थ्यंकादीम्ह कोइरालां अन्तराष्ट्रिय विमानस्थलय् पत्रकारतनाप खँल्हाबंला यासें छुं नं खँ पुष्टि यायेत प्रमाण माःगु धासें रुबेलया बारे पिहांवःगु बुखँया नं प्रमाण सहित पुष्टि यायेत हाथ्या बियादिल ।

वय्कलं कानुन स्वयां च्वये सुं नं मदुगु धासें प्रमाण पेश याःसा रुबेलयात कारवाही यायेगु धयादिल । उखे वंगु शनिवाः चितवन स्थित टाइगर टप्स होटलय् रुबेलयात गोलीं क्येकूम्ह पुलांम्ह युवराजया पारश शाह नं दोषी खःसा कारवाही जुइगु मन्त्री कोइरालां धयादिल ।