भाः क्वमकाःतले निगम न्ह्यःने अनसन
येँ (सन्ध्या टाइम्स)/पेट्रोलियम पदार्थ व जा थुइगु ग्यासय् थकाःगु भाः क्वमकाःतले हे थीथी विद्यार्थी संगठनया नेता, कार्यकर्तात अनसन च्वनीगु जूगु दु। अखिल क्रान्तिकारी, नेविसंघ, अनेरास्ववियु, अखिल छैठौं, अखिल एकीकृत व नेपाल क्रान्तिकारी विद्यार्थी संघया नेता कार्यकर्तात कन्हसंनिसें रुपन्देहीया भलबारीया नेपाल आयल निगमया क्षेत्रीय डिपोय् अनसन च्वनेत्यंगु खः ।
भाः थकाःगु विरुद्ध मंकाः कथं आन्दोलन याना वयाच्वंपिं विद्यार्थीतय्सं कन्हसंनिसें २४ घण्टाया रिले अनसन च्वनेगु धकाः धाःगु दुसा थौं विद्यार्थीतय्सं वुटवलय् ९ बजेनिसें ११ बजे तक चक्काजाम याःगु दु। इमिसं थाय् थासय् प्रदर्शन याना चक्काजाम याःगु खः ।
