ख्वपय् अपहरण याःगु आशंका
ख्व प(सन्ध्या टाइम्स)/ ख्वपया ताथली गाविस वडा नं.६ लय् च्वंम्ह झिंखुदँ दुम्ह प्रदीप खड्कायात अज्ञात समूहं अपहरण याःगु आशंका वया छेँजःपिसं याःगु दु ।
ख्वप जिल्लाया मध्यपुर थिमिया एसएस कलेजय् ब्वनेत वयाच्वंम्ह उम्ह ल्याय्म्ह वंगु कार्तिक ८ गतेनिसें आः तकं सम्पर्कबिहीन जुइवं खड्कायात अपहरण यानातःगु आशंका याःगु खः। देवेन्द्र व पार्वतीया काय् प्रदीप लच्छि तक थःथिति, पासापिं व म्हसिउपिंथाय् मालां नं सम्पर्कय् मवयेवं प्रहरी प्रशासनय् तकं जानकारी बियाः थः काय मालाबीत आग्रह याःगु दु। प्रहरी प्रशासनं तकं आः तकं लुइके मफयेवं वयात अपहरण याःगु आशंका यानाः वयागु जीवन रक्षाया लागिं नं आग्रह याःगु दु ।
