पारसया पत्रकार सम्मेलन स्थगित
येँ (सन्ध्या टाइम्स)/झिद्वः दां धरौटी पुलाः चितवनया प्रहरी ज्याकुथिं रिहा जुइवं हाकनं पोखराय् तुं थ्यंकःवंम्ह पुलांम्ह युवराज पारस शाहं थौं सुथय् सःतातःगु पत्रकार सम्मेलन थः म्हं मफुगु कारण क्यनाः स्थगित यानादीगु दु। पोखराया फिस्टेल लजय् थ्यंकाः वय्कलं थःत प्रहरीं ज्वंगु व न्यनेकने याःगु बारे पत्रकार सम्मेलन यानाः जानकारी बीगु धकाः पत्रकारतय्त निघौ तक पत्रकार सम्मेलनस्थलय् पीकातःगु खः। आखिरय् थः म्हं मफुगु त्वहः तयाः वय्कलं थौं सुथय् उगु पत्रकार सम्मेलन स्थगित यानादिल ।
वय्कः म्हिगः हे म्हं मफुसां हेलिकोप्टर चार्टर यानाः पोखराय् झाःगु खः ।
