झिद्वः दांया धरौटीइ पारस शाह रिहा

शाहवंशया हे न्हापां अभियुक्त कथं पूर्वयुवराज पारस शाहं थौं चितवन जिल्ला प्रशासन ज्याकुथि वयान ब्यूगु दु । वंगु शनिवाः चितवन स्थित टाइगर टप्सय् जूगु गोलिकाण्डय् वयात स्वन्हु न्ह्यः प्रहरी ज्वंगु खः ।

थौं कडा सुरक्षा व्यवस्थाया दथुई वयात जिल्ला प्रशासन कार्यालय यंकूगु खः । वयात झिद्वः दांया धरौटीइ साधारण तारेखय् त्वःतूगु दु । वयात मेगु फागुण १९ गतेया तारेखय् त्वःतुगु खः ।

थौं चितवन व येँया कलंकी नापं आपालं थासय् पारसयात त्वःतेत दवाव बी कथं प्रदर्शन व मोटरसाइकल र् याली समेत याःगु खः । फिस्टेलया हेलिकप्टरं पारस येँय् वइग जूगु दुसा येँय् निर्मल निवास थ्यंकाः जक थःम्हेसिनं थ्व घटनाया बारे जानकारी बी धकाः पत्रकारतय्त धाःगु दु ।