तारा एयरया विमान दुर्घटनाग्रष्ट अवस्थाय् लुल
दक्वं यात्रुत मृत अवस्थाय् / ब्लाय्क बक्स नं लुल
म्हिगःनिसें तनांच्वंगु तारा एयरया विमान दुर्घटनाग्रष्ट अवस्थाय् लूगु दु । ओखलढुङ्गाया सिरिचौर -९ मानेडाँडाय् दुर्घटना जूगु नाइन एन.ए.एफ.एस.नम्बरया थुगु ट्वीनेटर विमान म्हिगः न्हिनसिया ३:०८ बजे खोटाङ्गया लामिडाडां येँया निंतिं ब्वःगु खःसा ५ मिनेट लिपा हे सम्पर्क विहिन जूगु खः। म्हिगः हे निगः हेलिकप्टरं मालेज्या नं जूगु खः । तर मौसमया खराबिंयाना म्हिगः मालेज्या दिकूगु खः ।
निम्ह चालक, छम्ह परिचालिका व छम्ह विदेशी सहित २२म्ह दुगु थुगु बिमानय् च्वोंपिंफुक्कं हे मदुगु खः । चालक अनुप शाक्य, सह चालक सचिन्द्र श्रेष्ठ व परिचालिका सुवेक्षा गुरुङ्गयात लंनं म्हसीकूगु खःसा इमिगु शव नेपाली सेनाया डाइनेष्टीक हेलिकप्टरपाखें येँय् हयेधुंकुगु दु । आ: पोष्टमार्टमया लागिं त्रिविवि शिक्षण अस्पताल, महाराजगंजय् यंकूगु दु
मेपिं १९म्ह यात्रुतय्गु शव नं मुंकाःच्वंगु दुसा थौं बहनीतकया दुने MI-17 हेलिकोप्टर पाखें येँय् हइगु धाःगु दु ।
