बहुमतिय प्रणलीइ वनेत एमालेयात दबाव

नेकपा (एमाले)या न्ह्यानाच्वंगु केन्द्रीय कमिटीया मुँज्याय् पार्टी नेतृत्वयात बहुमतिय प्रणलीलय् वनेत दवाब लाःगु दु ।

म्हिग निसें पार्टी मू ज्याकू बल्खुइ सुरु जूगु एमाले केन्द्रीय कमिटीया मुँज्याय् थौं न्ववापिं अधिकांश दुजःतय्सं पार्टी नेतृत्वयात राजनीतिक गतिरोध चीकेत पार्टी बहुमतिय प्रणालीलय् जुसां वनेमाःगु खँ धाःगु खः । इमिसं आः न्हूगु ढंगं प्रधानमन्त्रीया निर्वाचनय् वनेमाःगु खँय् बः ब्यूगु खः ।

पार्टी नेतृत्वयात बुहमतिय प्रणालीइ वनां जुसां देय्यात निकास बीत दवाब लायेवं आः पार्टीं कांग्रेसयत प्रधानमन्त्रीया उम्मेदवार रामचन्द्र पौडेलयात नां लितकाःसा थःपिं बहुमतिय प्रणालीलय् वनेत तयार दुगु सर्त तइगु जूगु दु । उखे माओवादीयात नं राष्ट्रपति समक्ष दर्ता याःगु समावेदन लितकायेत इनाप याइगु खँ सीदुगु दु ।