नेवानिया आन्तरिक उडान बन्द
येँ (सन्ध्या टाइम्स)/एयर अरेबियायात उडान अनुमति बिउगु विरोधय् नेपाल वायुसेवा निगमया कर्मचारीतय्सं थौं निगमया आन्तरिक उडान ठप्प यात ।
निगमया सहमति बिना पर्यटन मन्त्रालयं एयर अरेबियायात येँ-क्वालालम्पुर-येँ उडानया अनुमति बिउगु विरोधय् थौं आन्तरिक उडान ठप्प यानागु खँ माओवादी समर्थित राष्ट्रिय कर्मचारी संगठनया अध्यक्ष राजेन्द्र रेग्मीं कनादिल ।
आन्दोलनया झ्वलय् गुंगूगु तह सिबें च्वय्यापिं कर्मचारीतय्त ज्याकुथी प्रवेश निषेध यानागु खँ नं वय्कलं कनादिल। एअर
अरेबियायात बिउगु थ्व अनुमति रद्द मजुल धाःसा अझ सशक्त आन्दोलन यायेगु ख्याच्वः नं कर्मचारीतय्सं बिउगु दु ।
