'स्थायी समितिया निर्णय गलत'
येँ (सन्ध्या टाइम्स)/बल्खुइ न्ह्यानाच्वंगु एमाले केन्द्रीय कमिटीया बैठकय् न्ववाःपिं केन्द्रीय दुजःतय्सं पार्टीया स्थायी समितिं विशेष अधिवेशनया निंतिं समावेदन दर्ता जुइधुंकूगु अवस्थाय् हथासं संसदया नियमित अधिवेशन सःतेमाः धकाः याःगु निर्णय हे गलत जुल धाःगु दु ।
उगु बैठकय् पार्टीया स्थायी समितिं संसदया सवालय् सांसदत हे सर्वोच्च धकाः थुइकेमाःगुयात वेवास्ता यात धकाः नं नेतातय्सं सः तःगु खः। थ्व हे झ्वलय् एमालें आः छु गज्वःगु भूमिका म्हितेगु धइगु विषयय् बैठकय् सहलह जूगु खँ सीदुगु दु। बैठकय् ओली पक्षया दुजःतय्सं सभामुख सुभाष नेम्बाङया भूमिका माओवादी पक्षय् वनाच्वंगुलिं वय्कःयात लित सःतेमाः धकाः नं सः तःगु खः ।
