तारा एयरया विमान बेपत्ता

खोटाङया मलामिडाँडां येँया निंतिं ब्वःगु तारा एरलाइन्सया विमान बेपत्ता जूगु दु । लामिडाँडां न्हिनय् ३:०८ बजे ब्वःगु नाइन. एन. ए. एफ. एस. नम्बरया ट्वीनेटर विमान सम्पर्क बिहीन जूगु खः ।

नीनिम्ह यात्रु व स्वम्ह चालक दलया दुजःत दुगु विमानया पाइलट अनुप शाक्य, सह पाइलट सचिन्द्र श्रेष्ठ व एयर होस्टेस सुबेक्षा गुरुङ जूगु खँ धाःगु दु । त्रिभुवन अन्टराष्ट्रिय विमान स्थलया महाप्रबन्ध दिनेश श्रेष्ठया कथं विमान ब्वःगु न्यागू मिनेट लिपा ओखलढुंगाय् सम्पर्क याःगु खःसां वयां लिपा सम्पर्क विहीन जूगु खः । एयर डाइनेस्टिया स्टेशन म्यानेजर राफिट शेर्पाया नेतृत्वय् वंगु निगः हेलिकप्टरं विमान मालेगु ज्या यानाच्वंगु दु ।