'मतिनाया स्वां' शुटिंग न्ह्यात
येँ (सन्ध्या टाइम्स)/नेपालभाषाया संकिपा निर्माणया झ्वलय् मेगु छगू न्हूगु संकिपा 'मतिनाया स्वां' वंगु शुक्रवाः शुभ मुहूर्त जुल। शुक्रवारनिसें हे शुटिङ्ग न्ह्याःगु उगु संकिपाया शुभ मुहूर्तय् वरिष्ठ सिने पत्रकार विजयरत्न असंबरें क्ल्याप बियादीगु खः ।
मां अबुया इच्छा व म्हगसया वास्ता मयासे मतिनाया स्वां ह्वयेकेगु कुतलय् न्ह्यानाच्वनीपिं ल्यासे-ल्याय्म्हतय्गु बाखं कःघाःगु उगु संकिपाया शुभमुहूर्तय् संकिपाया निर्देशक सुरेन्द्र तुलाधरं न्हापांगु शटया निर्देशन यानादीगु खः। संकिपाया उगु मुहूर्त शटय् बिजेन श्रेष्ठ, अमित जोशी, सरश्वती मानन्धर, भिमसेन रिजालपिंसं अभिनय यानादीगु खःसा संकिपा 'मतिनाया स्वां' लय् मन्जु श्रेष्ठ, अन्नपूर्णेश्वरी श्रेष्ठ, रुमन जोशी, सुरेश स्थापित, शेखर शाही, रुपिन डंगोल व सविना डंगोलपिंनापं मचा कलाकारपिं नस्वाः जोशी, रोजरी डंगोलया नं भूमिका दु।
जिनियस फिल्मस् प्रा.लि.या निंतिं शेखर शाही व रिजन डंगोलपिंसं लाय् तःगु थुगु संकिपाया शुटिङ्ग निला दुने हे क्वचायेकेगु ग्वसाः निर्माण पुचलं तःगु दु ।
