राप्रपा नेपालं निगमया गाडी चले याके मबीगु

येँ (सन्ध्या टाइम्स)/पेट्रोलियम पदार्थया भाः थकाःगु विरुद्ध कमल थापाया नेतृत्वय् दुगु जुजुवादी राप्रपा नेपालं आः सतकय् नेपाल आयल निगमया गाडी चले याके मबीगु घोषणा याःगु दु। लँय् गनं नं निगमया गाडी चले याना हःगु खनेदत धाःसा उकियात पनेगु कार्यक्रम यायेगु खँ धाःगु दु। थ्व झ्वलय् उगु पार्टीं थौं ख्वपया सल्लाघारीइ लँ पना बिउगुलिं उगु लागाय् यातायात जाम जूगु दु ।