सामाजिक ज्याखँय् नर्सिंह त्वाः

येँ (सन्ध्या टाइम्स)/श्री नर्सिंह टोल सुधार समितिं शिक्षा, स्वास्थ्य, धर्म व संस्कृतिया ख्यलय् योगदान यायेगु आज्जुं थीथी ज्याझ्वःत याना वनेगु निर्णय याःगु दु। समितिया नकतिनि च्वंगु बैठकं एसएलसी परीक्षाय् उत्कृष्ट जुयाः जिल्लाय् न्हाप जूम्ह छम्ह विद्यार्थीयात सरकारी क्याम्पसय् १२ गू तगिंतक ब्वंकेत आर्थिक ग्वाहालि यायेगु व अनाथ-अपाङ्ग स्वम्ह विद्यार्थीतय्त एसएलसी तक ब्वंकेगु व्यवस्था यायेगु निर्णय याःगु दु। अथे हे धर्मया नामय् जुयाच्वंगु पशु बलि प्रथा न्हंकेत पहल यायेगु निर्णय नं याःगु दु। थुकिया लिसें सरसफाइयात केन्द्रविन्दुइ तयाः थीथीकथंया स्वास्थ्य शिक्षा व चेतनामुलक ज्याझ्वःत न्ह्याकेगु खँ नं क्वःछिउगु दु ।