सहमति मजुसाः अधिकार सभामुखयात : नेम्वाङ

सभामुख सुभाषचन्द्र नेम्वाङं राजनीतिक दलत दथुइ सहमति जुइमफुसाः राजनीतिक समस्या ज्यंकेत सभामुखयात अधिकार बीमाःगु खँ धयादीगु दु ।

थौं थःगु हे ज्याकूथी पत्रकारतनाप खँल्हाबंला यानादिसें सभामुख नेम्वाङं विशेष अधिवेशन न्ह्यः हे राजनीतिक दलतय्सं सहमति यायेमाःगु मखुसाः अधिकार सभामुखयात बीमाःगु बिचाः प्वंकादीगु खः ।

वय्कलं राष्ट्रपतिं पुस ४ गतेया निंतिं आव्हान यानादीगु विशेष अधिवेशन प्रधानमन्त्री निर्वाचनया निंतिं हे जूगु धासें अधिवेशन न्ह्यः हे राजनीतिक दलतय्त सहमति यायेत इनाप यानादिल ।