'संविधानया मुल मुद्धाय् सहमति मजुसाः संविधान निर्माण जुइमखु'

संवैधानिक समितिया सभापति निलाम्बर आचार्यं राजनीतिक दलतय् सत्ता केन्द्रित राजनीतिया हुनिं संविधान निर्माणया ज्या दथुइ हे थानाच्वंगु द्वपं बियादीगु दु ।

मंगलवाः येँय् जूगु छगू सक्षात्कार ज्याझ्वलय् सभापति आचार्यं दलत संविधान निर्माण स्वयां नं शक्ति संघर्षय् लगे जुयाच्वंगुलिं इलय् हे संविधान निर्माण मजुइगु खतरा ब्वलंगु धयादिल । वय्कलं संविधानया मुल मुद्धाय् सहमति मजुसाः संविधान हे निर्माण मजुइगु दावी नं यानादिल ।

उच्चस्तरीय कार्यदलं याःगु सहमतिया बारे आधिकारीक जानकारी थःनाप मदुगु धासें आचार्यं कार्यदल राजनीतिक प्रकृतिया जूगुलिं थुकीं सहमति याये मफइगु धयादिल । वय्कलं संविधानसभायात राजनीतिक दलतय्सं हार-जीतया कासा कथं कयाच्वंगुलिं संवैधानिक समितिं छुं नं ज्या यायेमफयाच्वंगु धयादिल ।