'एमाले सहमतिय सरकारया हे पक्षय्'

नेकपा (एमाले)या नायः झलनाथ खनालं एमालें कयाच्वंगु सहमतिय सरकारया अडान अझ नं कायम हे जूगु खँ धयादीगु दु ।

एमालेया थनिंनिसें सुरु जुइगु केन्द्रीय कमिटीया मुँज्यां एमाले बहुमतिय सरकारया पक्षय् वनीगु निर्णय याइगु बुखँ सार्वजनिक जुयाच्वंगु इलय् नायः खनालं थःपिं पुलांगु हे अडानय् अडिग दुगु खँ धयादीगु खः ।

रिपोटर्स क्लबं मंगलवाः डल्लु स्थित खनाल निवासय् याःगु पत्रकार सम्मेलनय् नायः खनालं यदि बहुमतिय प्रणालीं समस्या समाधान जुइगु खःसा न्हापा हे शान्ति व संविधानया ज्या पूवनेधुंकूगु धासें सहमतिय प्रणालीया विकल्प मदुगु धयादिल ।

वय्कलं आःया अवस्थाय् सहमतिय प्रणालीलय् वनेमाःगु आवश्यकता थप जूगु धासें सहमति प्रणलीलय् मवंसाः देय् हितय् ज्या मजुइगु धयादिल ।